الشاعر عادل الشريف
ياقدس ماتبكيش
*******************
ياقدس ماتبكيش
وفيه رب عالم حالك
دى الدنيا ماتساويش
والبركه فى عيالك
اياك تقول حكام
خليك حكيم عاقل
دول بعد البطل صدام
ماشايفش فيهم راجل
بق وكلام فى كلام
والفعل ماتلقاش
ووراهم الاعلام
يهتف بقولة عاش
كدب وكلام شعارات
والحق ماتلقاش
وطول مافيه دولارات
اوطانا ما تسواش
الصمت فيهم غيه
والدم برد آذار
ماهو اصل اللى ايده فى الميه
مش زى اللى ايده فى النار
الكرسى ليهم عم
وترامب تاج الراس
حكام مافيهم دم
ولاعندهم.... احساس
ع الكرسى شكل وصوره
مكياج وروج وحمار
لا تقولى بوسى ونورا
ولا حتى صافينار
راح فين صلاح الدين؟؟؟
راح فين ابو المختار؟؟؟؟
خالد وحمزه فين؟؟؟
طب فين ابو عمار؟؟
الواحد ما منه اتنين
الواحد يساوى مليار
حكام بنوك ورصيد
حكام ليالى وكاس
وان قلت الشعب يريد
دلوقتى راح تنداس
ماعدش فيه حميه
وماعادش فيه رجاله
والجامعه اللى عربيه!!!!
ههههههههههههههه
دى بجد عايزه ازاله
دى خساره فيها الاسم
جامعه وما بتعلمش
تنصر قرار الخصم
وقرارنا ما بتختمش
وصدق اللى قالوا صحيح
شالو الدوووووو
وجابو شاهين
الجلد جلده
ونفس الطين
ههههههههههه
سبحان الله
متفصلين
******************
بقلم عادل الشريف
******************
تعليقات
إرسال تعليق