الشاعر عبيد النصراوي
المايشتاگلك لتگله بيوم
وينك شو غبت ما ترجعلنه
هو إلي يحب ما يحمل فراگ
واليفارگ صدگ ميلوگ النه
وفينه وما وفى وما عده وگفات
چوياته بوسط گلبي.. هذنه
بطلت الصبر ماريد اليه يرد
وإذا رد يوم ماشوفه محنه
خلي بالبعد هيچ انا شو مرتاح
لانگرة ولا غيرة وزنه
چان منالجهال الي يمرون
يغار و حتى من ريحة أهلنا
چنت ابچي واگضي الليل سهران
هسه اسمع اغاني وما اضنه
مثلي الليل شو گاضيه ترميش
وانى صامت مخلي .. عناد عنه
#عبيدالنصراوي
معاني بعض الكلمات
لتگله بيوم/لاتقله بيوم
ميلوگ النه/لايليق بنا
وگفات/مواقف تذكر
چوياته/اللسع بالنار
هيچ أنا شو مرتاح/ وكأني الأن اصبحت اكثر راحه
لانگره /لا خصام ومشاحنات
ولاغيره وزنه/الغيرة هي هي..وزنه من الزن أي الكلام المتكرر المزعج
چان منالجهال/كان حتى من الصغار
چنت ابچي وگضي /كنت ابكي طول الليل سهران
مثلي الليل شو گاضيه ترميش/أي طول الليل يتصل ويقطع دليل قلق وشوق
وانه صامت مخلي عناد عنه/أي جعلت جهاز الموبايل سايلنت بالعند منه
تحياتي للكل
بقلم عبيد النصراوي
تعليقات
إرسال تعليق