الشاعر شعبي مصطفى
جزل باللهجة المغربية
حاجتك او ما جيتك
على قصٌة مرايتك
دقيت بابك قبل ما ندخل
قاع دارك
بانت لي مرايتك
فيها انت وفيها وجهك
وجيهة مغطيها خيالك
باينة فيها مرارتك
فيها للي شمتك
وفرزقك نهبك
ومنحقك سلبك
والرشوة باش كسبك
حاجتك او ما جيتك
على ايام ابغاك
يبتسم وووويضحك معاك
قضى غراضو والغراب بقى معاك
حكايتي فيها الجد والخال
ايام الفرحة وطولت البال
وزمان جيل طاح ليه السروال
وانا كنت عليه عوٌال
وشحال من سؤال وسؤال
حكايتي واضحة وباينة
ومنكم تكون الكاينة
بالغربال غربلوها
ومن عين الإبرة دوزوها
وللي على تعب الناس طلعوها
مرايتك قالت للي يتقال
فيها طلعة وفيها جبال
محزمة بشركة ومطولة الحبال
ما تنسى ماتسهى على للي داز على البال
حكايتي مشات مع الواد الواد
يحلها القاري ويفكها اللي
فالفرن يدني لعواد
وخيرت الناس لجواد
شعبي مصطفى
تعليقات
إرسال تعليق