الشاعر سليمان سليمان
(( يا حلوي شو على بالِك) ؟
يا حلوي شو عْلى بالك
القمر غاب من قبالك
بَدِّي غَمْزِة من عيونك
واصنَعْ تاجي من شالك
بْذْكُر يوم الكنا صغار
حاكيكي وتحاكيني
شو كنَّا نحكي أخبار
وبْفَيَّاتِك يا هالتِّينة
بذكر يوم الكنَّا سمَّار
عسطيحاتك يا هالدَّار
شو كنا نحكي حكايات
مليانة حب وحَنيني
زمان الماضي فَل وراح
وملَّيتيلي قلبي جراح
كنا نسْكُب راح براح
وسكْرْتي وسَكَّرتيني
اليوم كبرنا وما ختيرنا
والحب الصادق يجمعنا
حلو العمر ومرُّو عشنا
شو كانت حلوة سنيني
بَيِّك شو كان يخَوّفني
ونظراتو كانت ترعبني
بذكريوم الشفتو جايي
وبرمش عيونك خبَّيتيني.
..................
..................
سليمان سليمان ( أبو محمد) .
تعليقات
إرسال تعليق