الشاعر سيد عبدالوهاب
لِسّه
رغم نُومُه عَ الرصيف
وان حِلمُه يدوب رغِيف
رغم فقرُه... رغم صبره
رغم جُثمانه الضعيف
لسّه غاوى برضُو يضحك
لسّه عنده الضِحك كِيف
لِسه راسِم أحلى ضحكه
عن عيوب الناس كَفيف
لسّه جُوّا الليل بيحاول
إنُّه يرسم أحلى طِيف
لسّه ناوى حتّى يزرع
وردة تطرح فى الخَرِيف
لسّه ماسك عُود مخَشِّبْ
فاكِر انّ دا يبقى سِيف
قلبُه طاهر لُونه أبيض
لسّه لابِس تُوب عفيف
هوّ دا معنى البرَاءة
هوّ دا القلب النضيف
-----------------
سيد عبدالوهاب
تعليقات
إرسال تعليق