الشاعر أشرف رسلان
أُعذربني يا ......؟
●○●○●○●○●○
ياحبيبتي أُعذريني
لما أنسَى فَكريني
إنى وَريتك عَذاب
قَلبي بَاع وإنتِ قَلبِك كَان شَاريني
○○○○○○○○○○○
حُضنك الدَّافي حَنان
ومعَاكِ بَحِس الأمان
ياحبيبتي أُعذريني
فَكريني إن قَلبي لِيكِ خَان
○○○○○○○○○○○
كِلمتِك بَلسم جُروح
بَسمتِك تِسعد لي رُوح
لما أنسَى فَكريني
إن عُمرِك ... مَاكَتمتِ بُوح
○○○○○○○○○○○
عُمري مَاكُنت حَزين
عِشت وَياكِ سِنين
إنخدَعت في قَلب تاني
كان لي جَرح وكان أنين
○○○○○○○○○○○
لما اقولك ياحبيبتي
إني نَادم......صَدقيني
صَدقي شُوقي وحَنيني
عُمري ماأنسَى .. مِش هاأُقولك
فَكريني
○○○○○○○○○○○
كُنت خَايفه ليه عَليه
مااستهِلش
حُب قَلبك كَان كِبير
مايتوصفش
قِيمتُه كَانت عَني تَايهه
مِش باقولك مااستهِلش
○○○○○○○○○○○
عِرفت إنك قَلب صَافي
لَمسِتك للإيد تِعافي
بَعد إيه الوقت فَات
ليكِ غِيري كَان حُضنه دَافي
○○○○○○○○○○○
أنا اللي أستاهل عَذابي
إتحملتي فِي غِيابي
وساعتها كنت بأقسي
كُنت تايه بين صُحابي
○○○○○○○○○○○
كانت الدنيا صَبيه
حلوة كانت في عينيه
خُنت حُبك رُوحت لِيها
جَرَحتني وعَلمتني مَعنى الأسيه
○○○○○○○○○○○.
يااللي كُنتِ في يوم حَبيبتي أُعذريني
لما أنسَى فَكريني
إنك إنتِ خَلاص نِسيتي
حُبي ..وألمي .. وأنيني
●●○○●●○○●●
بقلمي/أشرف رسلان
تعليقات
إرسال تعليق