الشاعر رحيم الشيخ طه
قصيده(علمونا )
علمونا ان الدنيا خد وهات*
وان الحياه ماتقفش على مات *
وان كلمه حب صادقه
زى ميه عل النبات*
وان كل ما تدى اكتر
تبقى اجمل الحاجات
وان أحيانا كلامنا.
اجمل منه يكون سكات
علمونا ان الرجولة
مش كلام ولا أمنيات
علمونا وقت الشده
نبقى أقوى فى الثبات
علمونا الصبر دايما
هو مفتاح الأزمات
وان كل يوم فى طاعه
يبقى احلى من اللى فات
علمونا ان الشجاعة
هى اجمل الصفات
وان الجبن شيء زميم
وآفه من ضمن الآفات
علمونا الصدق منجى
لما تتلعثم كلمات
وأن الكدب شيئ مهين
. وهو أسوء العادات
علمونا الظلم ساعه
واحده من ضمن الساعات
وان الحق كل ساعه
وهو سيد الأوقات
وان مهما طال العمر
بس العبره بالنهايات
علمونا علوم كتير
وان العلم مش كاتبات
وان العلم بس وحده
ياما غير مجتمعات
وان المال من غير علوم
زى مبنى بس ناقص اساسات
علمونا ان الغنى مش بماله.
المحافظ على القيم والعادات
وان الفقر مش مذله.
والفقير فقره فى دينه
من معاشه للممات
علمونا ان السعاده
هى انكارا للذات
علمونا ان الشهاده
هى اسمى التضحيات
علمونا الله يرحمهم
ويجازيهم الجنات
المناضل وكل فاضل
كلهم ليهم علامات
بقلم رحيم الشيخ طه
تعليقات
إرسال تعليق