الشاعر محمد جمال فايد
...............دنيا التلاهى الفانية.................
دنيانا ياما ناس عاشوا
..................فيها وصاروا بعد زمن أغراب
وماتوا واندفنواواتحللوا فى
............ القبور واتحولوا بعد سنين لتراب
وقصورهم بعد الفرح والمرح
............سكنها بعد خرابها عنكبوت وغراب
وذكرياتها الجميلة صارت
.......... كوابيس مزعجة للحاقدين وسراب
و إللى كانوا بيتمسحوا فى أبوابها
........صاروا يرموها بسهام مسممة وحراب
وفقدوا الحياء والوفاء والأمانة
...........وعملوا ضد المبادئ والقيم إضراب
ونسيوا إن دورهم زى إللى راحوا جاى
....... وفيه حساب لهم من المجتمع وعقاب
ولاعمر المجتمع إعتبرهم بشر
............ ولاحتى من فصيلة تنتمى لكلاب
ورغم إنهم شايفين نفسهم أحياء
..إلاإنهم أموات مسيطر عليهم قانون الغاب
أنيابهم تسبق عقولهم وقوتهم فى
....لسان سليط يجرهم يوم الحساب لعذاب
من الكدب والنفاق والفتن إللى
........خلت بيوتهم قبور من ظلمهم و خراب
فياأيها الفانى خد من اللى راح عبرتك
.......قبل ما تصبح دنيتك ضباب فى ضباب
وتموت وتتحلل جثتك وترجع
......لأصلك وفصلك تراب واندفن فى تراب
ويوم القيامة تشوف ذنوبك كتيرة
.......صغيرة وكبيرة متستفة فى قلب كتاب
وتقول يارب نفسى الشيطان خدعنى
....وضللنى وجعلنى أنا وإللى عصوك أحباب
ووعدنى بالجنة لو فجرت نفسى بحزام
.....ناسف وشهادة معتمدة من زعيم إرهاب
فيارب إهدنا ولا تجعلنا منهم واجعلنا
.....ممن قلت فيهم "إنما يتذكر أولو الألباب"
........................مع تحيات...........................
...................محمد جمال فايد ..................
..............جمهورية مصر العربية....................
.......كفر شبرا زنجى الباجور منوفية..............
تعليقات
إرسال تعليق