الشاعرة إيمان مبارك أبو الحسن
حبة حروف..
صبحم ف قلبي
زى السيوف...
كانوا حبايبي
لما كان الكون دفا
لما كان بينا الوفا
والحنان مابيختفى
ومتعدله بينا الظروف.....
حبة حروف...
شقوا الصفوف...
وغيروا نبض الكلام
وضيعوا ليه الاهتمام
وقللوني ف الاحترام
عملوني عاميه ومابشوف....
حبة حروف... لو يعرفوا....
جرحي الكبير راح ينصفوا....
ما كانوا عهدي هيخلفوا....
وينسخوا جرحي لألوف.....
حبة حروف... نسيت زمان
وعمر فيه نبض وكيان
وغيط وبيت شبابيك وبيبان
وأزمه مرصوده بمعروف......
وانا كلي آه منك ياحروف...
ومسامحه مهما بجد أشوف...
ولو اتعميت أنا مانسيت
كل اللى كان
بغرامي هطوف..
والمح معانيكي ف عنيكي
من بعيد......
لاتقولي قلبي من حديد...
لو مات مابينا من دفى
وحبر قلمي صبح جليد ...
هكتب ملامحي بالندى
أو بالدموع
وابقي المحيني
من جديد...
والصبر بينا ما هخسرك
ده انتي الحروف
وانا ليا قلب بيعشقك
وبيكتبك برضو
وشغوف.....
حبة حروف.....
كلماتي/إيمان مبارك أبو الحسن
تعليقات
إرسال تعليق