الشاعر فهمى محمود حجازى
رسالة من حبيب سافر
(١)
مهما طال البعاد قلبي
سكن عندك
وان كان غيابى طال مسيرى هارجعلك
وارسم حروف الغرام وانقشها على قلبك
واعوض الحرمان واشبع من حنان قربك
واكيد لك العزال واسعد بالغرام جنبك
سافر الجسد لبعيد لكن الفؤاد عندك
واسأل عليا القمر يوماتي باسهرلك
اناجي قمر الليل يمكن يوصلك
عشقي وسهد الليل ياما نفسي يوصلك
ويسهر معاك الليل ويصبر فى البعاد قلبك
وان كان بعادي طال مسيرى هارجعلك
(٢) اناراجع
خلاص انا راجع صعب البعاد عنك
عذابى طال فى البعاد وقلب مشتاقلك
الغربة طالت والفراق ياعذابى انا ف بعدك
وان كان البعاد فيه مال يغور المال وكغايا اكون جانبك
من بكره اشد الرحيل واكون هنا ك عندك
(٣) راجع
وانا ف طريق الرجوع قلبي سبق ووصلك
ومشيت ولا المجنون وكأني مسحوربك
ماشي ف طريق مزحوم ومش لاقي غير صورتك
فى كل مكان بروح ولساني عليه سرتك
ماشى ولا المجنون وهدفي اكون عندك
غايب مانيش فى الكون وتركيزى فى ملامحك
ماشي ولا المجنون وب اهزي كمان ب اسمك
بقلمى فهمى محمود حجازى
تعليقات
إرسال تعليق